bərə

I

(Göyçay)

sahilə yaxın dayaz yer. – Gəmini bərədən aparıblar

II

(Lənkəran, Kürdəmir)

bağ və ya bostanların arasından gedən cığır

III

(Bakı, Füzuli, Göyçay, İmişli, Quba, Ucar)

kiçik arx. – Adə, bəsdü dayi, bərəni bağla, püştəni su apardı (Bakı); – Bağa gedən arxa bərə deyirik (Göyçay); – Bü:n bərəni qazıb qutardım (Ucar)

◊ Bərə gəzdirmeg (Bakı) – suvarmaq, əkin yerinə su vermək. – Məmə qurban, bir ho:r bərə gezdir

IV

(Qarakilsə, Qazax, Şəki, Tovuz)

1. su arxının keçməsi üçün çəpərin altında düzəldilmiş yer, deşik. – Su no:rraşifdi, bərədən keşmiyi (Şəki)

2. arxda ləkə su buraxılan yer

3. çəpərin keçid yeri (Şəki)

4. qoyunları sağmaq üçün düzəldilən yer, keçid (Qarakilsə, Qazax, Tovuz). – Qoyun bərədən gəler (Qazax); – Qoyunu bərəyə verin, sağırıx (Qarakilsə)

V

(İsmayıllı)

dərin olmayan yara. – Ağlama, uşağ döysən, balaca bərədi

 Bərə vurmağ (Şamaxı) – mane olmaq. – Sən işə bərə vurma